Sasambahin mo ba ang Panginoon at tutuparin ang iyong mga pangako sa Kanya?

Ang Awit 116 ay isang pagpapahayag ng pasasalamat at debosyon sa Diyos. Inilalarawan nito ang pagluwa ng manunulat mula sa matinding panganib at pagkilala sa pagliligtas ng Diyos. Nagtatanong din ang manunulat kung paano siya makapagbabalik ng kabutihan sa Panginoon. Ang kanyang tugon ay ang pangakong sasambahin ang Panginoon, maghahandog ng pasasalamat, at tutuparin ang kanyang mga pangako sa harap ng mga tao ng Diyos bilang sagot sa kabutihan ni Yahweh.

Malinaw na ang pagsamba sa Diyos, pag-aalay ng pasasalamat, at pagtupad sa mga pangako ay hindi lamang mga seremonyal na gawain. Ang mga ito ay mga konkretong paraan upang ipakita natin ang taos-pusong pasasalamat sa mga biyaya ng Diyos. Ang ating malalim na pasasalamat sa Diyos dahil sa Kanyang pagligtas sa atin mula sa panganib ay napaka-inam na ‘self-motivation’. Halimbawa, kung ako ay naligtas mula sa isang malubhang aksidente sa kalsada, magpapasalamat ako sa Diyos sa pamamagitan ng pagdalo sa simbahan, paglilingkod sa isang ministry, pagtulong sa mga nangangailangan, at pagtupad sa mga ipinangako ko sa Diyos noon. Sa aking pagsamba, ako’y magbibigay ng paggalang at pasasalamat. Ang aking pag-aalay ng pasasalamat ay nagpapahayag ng kagalakan sa bagong pagkakataon. Ang pagtupad natin sa mga pangako natin sa Diyos ay patunay ng ating tapat na debosyon sa Kanya. Sa ganitong paraan, ang bawat hakbang natin ay nagpapakita ng tunay na pagmamahal sa Diyos.

Bilang tugon sa biyaya ng Diyos, dumalo sa simbahan at ipakita ang ating pagsamba at paggalang. Ang pagtulong sa iba, lalo na sa mga nangangailangan, ay isang konkretong paraan ng pagpapakita ng pagmamalasakit at pagkalinga. Ang pagtupad sa mga espirituwal na pangako, tulad ng regular na panalangin at pag-aaral ng Bibliya, ay nagpapalalim ng ating relasyon sa Diyos at nagpapatunay ng tapat na debosyon. Gawin ngayong araw at huwag ipagpabukas

1. Ano ang mga pangakong espirituwal na maaari mong tuparin bilang tugon sa mga biyaya ng Diyos?

2. Paano mo maipapakita ang iyong pasasalamat sa Diyos sa Kanyang mga biyaya at pagliligtas sa iyo?