Sang-ayon ka ba sa pananaw na ang Diyos ay dakila, makapangyarihan, at nagmamalasakit sa mga dukha at nangangailangan?

Ang Awit 113 ay isang pag-awit ng buong pusong papuri sa Diyos na dakila sa lahat. Binibigyang-diin dito ang kadakilaan at kapangyarihan ng Diyos na si Yahweh na higit sa lahat ng diyos. Ang Diyos ay nagtataguyod sa mga mahihirap. Binibigyan Niya ng karangalan ang mga aba. Mula sa langit hanggang sa lupa, Siya ay makapangyarihan at karapat-dapat sa lahat ng papuri sa lahat ng panahon.

Ang makilala ang Diyos sa Kanyang kadakilaan ay isang natatanging karanasan. Hindi lamang ito tungkol sa pagkuha ng kaalaman o impormasyon tungkol sa Kanya. Ang Diyos ay higit pa dito. Siya ay may tatlong persona: ang Diyos Ama, ang Diyos Anak, at ang Diyos Espiritu Santo. Magkasama silang lumikha ng sanlibutan at nagbigay ng buhay sa bawat tao, hayop, at halaman. Dahil dito, sila ay walang kapantay at karapat-dapat sa ating mga papuri at pagsamba. Sila rin ay nagkakaisa sa layunin, puso, at pagnanais na tulungan ang mga dukha at nangangailangan. Ngayon, isipin mo ang iyong sarili o ang iyong mga mahal sa buhay — may malasakit kaya ang Diyos sa inyong kalalagayan at kinabukasan? Higit sa lahat, isipin mo ang sakripisyo at pagkalinga sa iyo ng ating Panginoong Jesus. Walang ibang diyos-diyosan ang kayang tapatan ang pagpapatawad pagliligtas sa tao ng higit pa sa ginawa ng Diyos Ama sa pamamagitan ni Jesus.

Kilalanin ng personal ang Diyos sa Kanyang kadakilaan. Sa pamamagitan ng malalim na pananampalataya, umugnay sa Diyos ng may pagpapakumbaba, paghingi ng tawad, may pagsamba, at may paglilingkod. Naising mas makilala ng personal ang Diyos Ama, Diyos Anak, at Diyos Espiritu Santo. Siya ang lumikha ng sanlibutan at ang nagbigay ng buhay sa ating lahat. Paniwalaan ang sakripisyo ni Jesus para sa ating kapatawaran at kaligtasan. 

1. Paano mo mararamdaman ang kadakilaan ng Diyos sa iyong pang-araw-araw na buhay, hindi lamang sa pagkuha ng kaalaman kundi sa pamamagitan ng karanasan?

2. Ano ang ibig na ang Diyos ay may tatlong persona — ang Diyos Ama, Diyos Anak, at Diyos Espiritu Santo. Paano ito nakakaapekto sa iyong pananampalataya?

3. Paano nagmamalasakit ang Diyos sa kalagayan at kinabukasan ng iyong sarili o ng iyong mga mahal sa buhay?