Minsan ba, naiisip mong wala ka nang sapat na dahilan para magkaroon ng pag-asa?

Ang Psalm 143 na isinulat ni David ay nagsasalaysay ng kanyang mga pagdurusa. Dahil dito, binanggit ng manunulat ang kanyang pagnanasa para sa tulong ng Diyos. Sa kanyang mga panalangin, ipinahayag niya ang kanyang takot at pangungulila sa patnubay ng Diyos. Humihingi din siya ng ng awa at liwanag dahil sa kanyang madilim na sitwasyon. Sa kabila ng mga problema at pagsubok, nananatili pa rin kay Haring David ang matibay na pananampalataya at pag-asa sa Panginoon.

Maaaring maramdaman natin ang sakit ng kawalan ng pag-asa. Naalala natin na hindi tayo nag-iisa sa ating mga pagsubok. Kapag nahihirapan tayong makakita ng liwanag, may mga hakbang na nakalaan patungo sa pag-asa. Sa gitna ng ating mga alalahanin, andiyan ang ating Diyos para mahingan ng tulong. Kahit gaano kaliit ang ating pananampalataya nariyan palagi ang Panginoon. Andyan sa paligid ang mga palatandaan ng pag-asa na nag-aanyaya sa atin na patuloy na manalig sa Diyos. Sa bawat hakbang tungo sa liwanag, ramdam natin ang unti-unting pagbibigay ng lakas ng Diyos upang tayo’y magpatuloy. Minsan, ang mga maliliit na bagay ay nagbibigay ng pag-asa at nagpapalakas sa ating puso — anuman ang mga pagsubok.

Sa gitna ng mga pagsubok, huwag mawalan ng pag-asa. Lumapit sa Diyos. Ipahayag ang iyong mga takot at alalahanin. Tandaan, ang Diyos ng iyong panalangin ay may kapangyarihang magbigay ng liwanag sa iyong madilim na sitwasyon. Hanapin ang mga palatandaan ng pag-asa sa paligid na bigay ng Diyos. Laging nandyan ang Diyos ang Panginoon. Siya’y handang magbigay ng lakas sa iyong paglalakbay sa buhay. Huwag mawalan ng tiwala — patuloy na lumakad tungo sa liwanag na dala ng Panginoong Jesus.

1. Ano ang mga palatandaan ng pag-asa na nakikita mo sa iyong buhay kahit sa mga mahihirap na sitwasyon?

2. Sa anong mga sitwasyon ka nagkakaroon ka ng malalim na pananampalataya?

3. Paano mo naipapahayag sa Diyos ang iyong mga takot at alalahanin sa pamamagitan ng panalangin?