Pakikigalak Sa Tagumpay Ng Iba

Today's Verses: Psalm 126:5–6 (ASND)

5Silang nagtatanim na lumuluha ay mag-aaning tuwang-tuwa. 6Ang umalis na lumuluha, na may dalang binhi na itatanim ay babalik na masaya, na may dala-dalang mga ani.

Read Psalm 126

Masaya ka ba kapag ang tagumpay ng ibang tao ay nagdudulot ng kasiyahan sa kanila at sa kanilang paligid?

Sa Psalm 126, ang mga mamamayan ng Israel ay nagagalak dahil sa pagbabalik nila mula sa pagkaalipin. Sinasalamin nila ang kanilang saya at pananampalataya sa Diyos na nagbigay ng bagong pag-asa at kasiyahan. Ang kanilang mga luha ay naging kasiyahan, at ang kanilang mga pagsisikap ay nagbunga ng tagumpay.

Ang pagiging masaya mo para sa kagalakan ng ibang tao ay tunay na nagpapakita ng malasakit at malalim na koneksyon sa kanilang naranasang tagumpay. Ang ating pagdiriwang sa tagumpay ng iba ay hindi lamang naglalarawan ng ating suporta, kundi pati rin ng pag-aalaga sa kanilang kapakanan. Halimbawa, kapag ang isang kaibigan ay nagtagumpay sa negosyo, ang ating tuwang pakikibahagi ay nagbibigay sa kanya ng lakas at kumpiyansa. Sa simbahan, ang pagdalo sa mga espesyal na okasyon tulad ng birthdays, kasal, o pagtatapos ng pag-aaral ng mga miyembro, o ang pagsuporta sa bagong ministry, ay nagpapalakas ng samahan at nagbibigay ng inspirasyon sa bawat isa. Ang ganitong mga pag-uugali ay bumubuo ng isang positibong kapaligiran at nagpapakita na ang tunay na kasiyahan ay hindi lamang sa sariling tagumpay, kundi sa pagtulong at pagdiriwang ng tagumpay ng iba.

Narito ang iba pang mga New Testament verses sa pakikigalak sa kagalakan ng iba: Pagpapakita ng pagmamalasakit sa iba (1 Juan 3:18), ang pagpapalakas sa kapwa (1 Tesalonica 5:11), ang pagkakaisa at pagtutulungan (Hebreo 10:24-25), ang pagbuo ng komunidad (Galacia 6:2), at ang pagpapalaganap ng Kasiyahan (Filipos 2:4). Ang mga katotohanang ito ay nagbibigay-diin sa halaga ng pagtulong, pagdiriwang, at pagpapalakas ng iba bilang mga pagsasakatuparan ng mga utos ng Diyos at pagbuo ng isang mas malapit at nagmamalasakit na komunidad.

Panalangin:

Aking Diyos Ama, Panginoon, tulungan Mo akong makigalak sa kagalakan ng iba. Gawin mo akong mapagagbigay ng tunay na suporta at malasakit sa aking kapatiran. Nawa’y ang aking pagdiriwang sa tagumpay ng kapwa ay magpalakas ng kanilang loob at magpatibay ng samahan sa aming Christian community.

Sa pangalan ni Jesus, Amen.