Ikaw ba ay mga pruweba na tunay kang anak ng Diyos?

Bumalik si Jacob mula sa Padan-aram at nagpakita sa kanya ang Diyos sa Bethel. Binansagan siyang Israel at binasbasan bilang ama ng maraming bansa. Nangako ang Diyos ng mga pagpapala para sa kanyang lahi. Ito ang simula ng bagong misyon at pagpapala para sa kanyang pamilya at mga anak.

May kakaibang galak o lungkot na mararamdaman ka depende sa iyong pagkakakilanlan o identity. Isipin mo kung gaano kahalaga ang ID o identification card para sa isang karaniwang tao. Sa mga mahahalagang transaksyon, pakikipag-usap, o pagpasok sa mga gusaling may seguridad, kinakailangan ang ID. Nasa ID ang iyong pangalan, litrato, at iba pang mahahalagang impormasyon para mapatunayan kung sino ka talaga. Kung mahalaga ang ID sa ating pisikal na mundo, gaano pa kaya ang spiritual identity, lalo na kung ang pagkakakilanlan ay mula o kaloob ng Diyos? Katulad ng nangyari kay Jacob na naging Israel, hindi man kinakailangang literal na palitan natin ang ating pangalan, ngunit sa espiritu, may kailangang baguhin si Lord sa ating kalooban. Kaya't napakahalaga na mapagkalooban tayo ng Diyos ng spiritual identity bilang anak ng Diyos. Ayon sa Biblia, hindi lahat ng tao ay anak ng Diyos. Kaya may paanyaya sa lahat na maging bahagi ng pamilya ng Diyos. Hindi automatic ang pagiging bahagi ng pamilya ng Diyos; ito ay nangangailangan ng pagtugon sa panawagan na manalig at tanggapin si Jesus bilang Diyos, Panginoon, at Tagapagligtas. Nais mo ba na madiskubre ito?

Maging aktibo at masigasig na bahagi ng pamilya ng Diyos. Siyasatin ang iyong sarili kung may pananalig at pagtanggap ka na ba kay Jesu-Kristo bilang Anak ng Diyos. Alamin kung naging totoo ba ang iyong pananalig at pagtanggap, dahil ito ay may bunga o mabuting resulta sa iyong pagkatao. May nabago bang gawi, pag-uugali, at pananalita? Suriin ang iyong puso kung ikaw ba ay relihiyoso lamang o tunay na anak ng Diyos na may pananalig sa puso at may pagbabago sa buhay.

1. Ano binago ng Diyos sa pagkakakilanlan (identity) ni Jacob?

2. Paano napunta si Jacob sa punto na binago ng Diyos ang kanyang pagkakakilanlan (identity)?

3. Paano matatanggap ng tao ang kaloob ng Diyos na bagong pagkakakilanlan (identity)?