Mahalaga ba sa iyo ang Salita ng Diyos?

Sa Awit 119:9-11, tinutukoy ang kahalagahan ng Salita ng Diyos sa ating paglalakad sa buhay. Itinatampok ang tanong kung paano mananatili ang isang binata sa dalisay na landas. Ayon sa manunulat, ang kasagutan ay nasa pag-aaral at pag-alaala sa mga batas at alituntunin ng Diyos. Sa verse 11, ipinapahayag ng manunulat na ang kahalagahan ng pagsasa-puso ng Salita ng Diyos

Kung isasapuso natin bilang lumalagong Kristiano ang Salita ng Diyos, ito ang magiging kalasag natin laban sa anumang kasalanan. Kung atin itong babasahin at aaralin, mas lamang tayo sa pangkaraniwang tao na nabubuhay. Ang ating isipan ay mas lumilinaw. Dagdag pa rito, ang ating pananaw ay mas lumalawak. Ang malinaw na isipan at malawak na pananaw ay nagbubunga ng buong pusong pagsunod. Ang pagsunod sa Kanyang mga utos ay nagbibigay ng higit pang lakas sa ating espiritwal na paglalakbay. Ang kaduwagan ay napapalitan ng lakas ng loob, ang takot ay napapalitan ng kapayapaan, ang kasalanan ay napapalitan ng kabanalan, at ang kawalan ay napapalitan ng tamang landas na patutunguhan. Ilan lamang ito sa mga itinuturo ng Diyos sa Old Testament na pinatunayan ni Jesus sa New Testament.

Maglaan ng oras araw-araw upang basahin ang Bibliya. Kung gayon, lalalim ang pang-unawa mo sa buhay. Isipin at pagnilayan ang mga nabasa mong talata. Isama ito sa iyong pagdarasal para mas maging personal ang iyong koneksyon sa Diyos. Isapamuhay ang mga aral na natutunan mo sa iyong buhay. Naisin din na ibahagi ang iyong mga natutunan sa iba upang sila rin ay makinabang. Sumama sa isang small group para sa pag-aaral at suportang espiritwal. Kung susunod ka sa mga hakbang na ito, mas madali mong mahahanap ang lakas ng Diyos, na nagdadala ng kapayapaan at kabanalan sa iyong buhay.

1. Ano ang mga praktikal na paraan upang maitaguyod ang mga aral mula sa Awit 119:9-11 sa araw-araw na buhay?

2. Paano ba nakakatulong ang Salita ng Diyos sa ating mga problema sa buhay?