Nagtitiwala ka ba sa mga pangako ng Diyos upang magbigay sa iyo ng pag-asa at lakas?

Sa Psalm 119:41–48, ang manunulat ay humiling ng Diyos na ipakita ang Kanyang pag-ibig at kaligtasan ayon sa Kanyang pangako upang makuha ang lakas na sagutin ang mga nangutya sa kanya. Binibigyang-diin nito ang pagtitiwala sa Diyos at Kanyang Salita, na nagsusulong ng pagsunod sa Kanyang mga utos at kagalakan sa Kanyang batas.

Ang Diyos ay magliligtas sa atin mula sa mga hindi kanais-nais na mga sitwasyon, sa mga tao na nangungutya, at maging sa ating mga sariling negatibong emosyon. Ang mga katulad nito ay ilan sa mga bagay na kaya ng Diyos na tayo'y iligtas. Ang mga usaping ito ay maaaring magdulot ng kaguluhan sa ating buhay at humadlang sa isang mapayapa at masaganang buhay Kristiyano. Mahalaga na mapaglabanan ang mga ito. Ngunit mahirap magtagumpay kung aasa lamang tayo sa ating sariling lakas. Kailangan natin ng pag-ibig at pagliligtas mula sa Diyos. Ikaw man ay may pinagdadaanan o kaya’y may hugot sa buhay, kaya tayong iligtas ng Diyos sa pamamagitan ng kayang kautusan na puno ng pag-ibig. Magtitiwala ka ba sa Kanyang mga pangako para magbigay sa iyo ng pag-asa at lakas?

Magbalik-loob sa Diyos kung ikaw ay napapalayo sa Kanya. Maging bukas sa paghingi ng tawad at humingi ng Kanyang tulong anuman ang sitwasyon sa buhay. Magtiwala sa Diyos at alamin ang Kanyang mga pangako sa Kanyang Salita. Magtiwala na Siya ay magliligtas sa iyo mula sa mga hindi kanais-nais na sitwasyon, mga pangungutya, at iyong mga negatibong emosyon. Regular na manalangin para sa gabay na mapagtagumpayan ang mga pagsubok. Iwasan ang mga "distractions" o mga sagabal na humahadlang sa iyong kapayapaan at pag-unlad sa buhay Kristiyano. Mag-focus sa relasyon mo sa Diyos.

1. Nagpapakita ka ba ng tiwala sa Diyos sa iyong mga pagsubok at alalahanin?

2. Paano humingi ng tawad at tulong sa Diyos upang magbagong buhay at mapalapit sa Kanya?