Ang kabutihan ng Diyos Ama ay walang pinipili at walang itinatangi sa paggawa mo ng kabutihan. Sa masama o sa mabuti, ang kabutihan ng Diyos ay ipinapamahagi. 

Si Jesus ay nasa gawain ng pagpapakilala sa karakter ng Diyos Ama. Hayag ni Hesus na ang Diyos Ama ay pinapasikat ang araw sa masama o sa mabuti. Ang DIyos Ama din ay nagpapadala ng ulan sa mga matuwid at sa mga di-matuwid.

Puno ng kabutihan ng Diyos. Hindi pinigilan ng Diyos ang kanyang paggawa ng mabuti sa lahat mga tao. Kita pa rin sa mga pangyayari sa paligid na mabuti ang Diyos. Ang tao man ay sumusunod o hindi sumusunod, ang kabutihan ng Diyos ay bumubuhos. Hindi niya tayo kinakaligtaan. Bagkus, kinikalinga tayo ng Diyos sa anuman ang sitwasyon natin. Hindi niya pinababayaan ang ang Kanyang nilikha. 

Ating gunitain ang mga kabutihan ng Diyos. Mas maa-appreciate ng tao ang kabutihan ng Diyos – lalo na kung ang Diyos ang tinatawag nating Ama at ay tagasunod tayo ni Kristo. Itong mga sumusunod araw, mas pansinin natin ang kabutihan ng Diyos sa kanino mang tao at sa anumang kalalagayan. Dahil dito at anuman ang iyong sitwasyon, sambahin natin at mas lalo pa nating paglingkuran ang Diyos.

1. Bakit mabuti ang Diyos?

2. Papaano ipinapadama ng Diyos ang kanyang kabutihan?

3. Ano ang challenging na mga utos sa mga lumalagong Kristiyano para maipadama din na natin ang kabutihan ng Diyos sa mga tao?