Naaalala kaya ng Diyos ang pangako Niya sa iyo?

Ang Psalm 105 ay pagpaparangal sa matagal na panahong katapatan ng Diyos sa Israel. Ayon sa manunulat, sa matagal na panahon napatunayan ng Diyos ang Kanyang katapatan sa pamamagitan ng kapangyarihan ng Diyos na gawin ang mga dakilang mga bagay. Kaya, inilahad sa awitin ang pasasalamat ng manunulat dahil tinupad ng DIyos ang Kanyang mga pangako. Ang pangako ng Diyos ay ang Kanyang pakikipagtipan sabayan ng Israel.

Ang Diyos kailanman ay siguradong tapat. Ito ay totoo noon hanggang ngayon. Maniwala man tayo o hind, totoong tapat ang Diyos. Kapag nangako ang Diyos, Kanya itong tutupdin – lalo na kung tayo’y nakipagtipan na sa Kanya. Ang makipagtipan sa Diyos ay ang magkaroon ng kasunduan sa pagitan natin at ng ng Diyos. Ito ay mahalaga dahil dito nakasalalay kung may pangako na dapat tuparin ang Diyos sa atin. Maraming tao ay ipinagpalagay agad na katipan na nila ang Diyos. Maaari, pero ito ay sa pinakamababaw na dahilan lamang na ang Diyos ang lumikha sa tao. Ngunit, ito ang katotohanan: May mas malalim na pakikipagtipan ang Diyos. Base sa New Testament, may mas malalim na pakikipag tipan ang Diyos kung sa ating buong kamalayan ay nagsisisi tayo sa ating kasalanan at tinanggap si Jesus bilang Tagapagligtas at Panginoon. Ang bunga ng ganitong pananampalataya ay magkakaloob ang Diyos sa ating ng kakayanan na sumunod sa Kanya. Ang pananampalataya na ito at ang  may kasamang lumalagong pagsunod sa Diyos na nagbubunga ng dumaraming miracles sa pag-usad ng panahon. Sa ganitong proseso, ang katapatan ng Diyos ay Kanyang mas naipapakita sa simple o di kaya’y sa makapangyarihang galawan ng Panginoon.

Ihanda ang iyong sarili na mas maranasan ang katapatan ng Diyos. Manampalataya at maging malaya na tumugon sa Diyos ng may pagsunod. Magpatuloy. Huwag susuko. Kilalanin ang boses ng Diyos. Mas pakinggan ang Diyos kesa sa boses ng mundo, ng diablo, o ng sarili. Antabayanan palagi na ang sukdulang biyaya ng Diyos ay mas maranasan araw-araw. Walang malaking problema sa Diyos. 

1. Ano ang pakikipagtipan sa Diyos?

2. May kaibahan ba ang payak na katapatan ng Diyos sa tao kumpara sa katapatan ng Diyos sa mga nakipagtipan sa Kanya?

3. Paano lumago sa pakikipagtipan sa Diyos?