Saan kaya ang pinaka-’safe’ na lugar?

Para sa manunulat ng Psalm 91, ang pinakaligtas na lugar ay yung nasa piling ng Diyos. Kanyang binigyan diin na mainam na desisyon ang manahan at manatili kung nasan ang Diyos. Upang maisalarawan na hindi ligtas kung hindi kapiling ang Diyos, gumamit ang manunulat ng mga ‘metaphor’ tulad ng ‘palaso’, ‘sakit, ‘salot’, ‘kalamidad’, at iba pa. Para maisalarawan naman ang pag-iingat ng Diyos, ang mga salitang ginamit ng manunulat ay ‘lilim ng kanyang pakpak’ at ‘kanlungan’. 

Maraming banta sa kapakanan ng tao. Andyan na dumaan ang pandemic, ang mga sakuna, ang mga bagyo, mga giyera ng mga bansa, o mga karamdaman. Idagdag mo pa ang mga pag-aaway ng mga magkagalit, ang pagkakawatak ng mga pamilya, o di kaya’y ang gulo hatid ng kaguluhan sa gobyerno. Higit sa lahat ay ang mga ispiritwal na banta dala ng mga mga diablo at masasamang ispiritwal na nilalang. Ang dumaraming ‘false teachings’ at ‘half truths’ ang ilan pa sa mga ispiritwal na banta sa paligid. Sa dami ng mga problemang ito, saan pa kaya ang safe na lugar? Sa lahat ng banta na ito, sino pa kaya ang safe? Dahil dito, ang katotohanang hatid ng Psalm 91 ay nararapat nating pansinin – lalo na ng lumalagong mananampalataya ng Panginoong Jesus. May banta sa ating kaligtasan. Ngunit andiyan din ang pag-iingat ng Diyos. Ito ay may dalang pang gising na katotohanan: hindi para sa lahat ang pag-iingat ng Diyos, kundi para lamang sa mananahan, mananatili, at magtitiwala sa Diyos.

Mananahan at mananatili sa piling ng Diyos. Magtitiwala sa Panginoon Jesus. Maniwala sa katotohanan hatid ng Biblia. Sundin ang mga utos ng Diyos. Ang iyong kaingatan ay mahalaga. Bagamat meron at merong mga pwdeng panggalingan ng mga aksidente at mga kapahamakan, ligtas ka kapag ikaw ay nag-iingat – lalo na kung ikaw ay kapiling ng Diyos. 

1. Naniniwala ka ba na safe ka sa piling ng Diyos?

2. Ano ang hadlang sa pananahan, pananatili, at pagtitiwala sa Diyos?

3. Paano makakamtan ang pag-iingat at kalinga ng Diyos?