May mga nagawa ka bang mahirap pero naging madali lang para sa iyo dahil ikaw ay self-motivated?

Sa Genesis 29:20, ipinakita ang pagmamahal ni Jacob kay Rachel, anak ni Laban. Nang makita ni Jacob si Rachel, na anak ng kanyang tiyuhin, agad siyang nahulog sa pagmamahal at nagpasya na magtrabaho ng pitong taon para sa kanyang kamay. Sa kabila ng hirap ng pag-aabangan, nagnanais si Jacob na makuha si Rachel bilang asawa. Itinuring niyang magaan ang pitong taon dahil sa labis na pagmamahal na nararamdaman niya para sa kanya.

Nagagawa ng tao ang mahirap dahil sa ‘self-motivation’ – lalo na kung ito ay pinapalakas ng tunay na pag-ibig. Sinabi ito sa tula ni Balagtas, "Pag-ibig, 'pag pumasok sa puso ng sinuman, hahamakin ang lahat, masunod ka lamang." Sa Bible, ito ang nagawa ni Jacob para kay Rachel dahil sa kanyang pag-ibig. Ganyan din ang nagagawa ng maraming tao na ‘self-motivated’ ng pagmamahal. Kakaiba ang nagagawa ng ‘self-motivation’. Dakila ang mga gawaing naisasakatuparan ng taong may pag-ibig. Kahit nga ang masasamang gawain na may masamang resulta ay nagiging madali at madalas ay nagtatagumpay, dahil may self-motivation. Kung gagamitin mo ang pag-ibig at self-motivation sa paggawa ng mabuti, mas maraming kabutihan ang magagawa mo, mas magiging daluyan ka ng pagpapala ng Diyos, mas magiging masigla ka sa iyong mga mabuting adhikain, mas mapaparangalan at mas mapapangiti mo ang Diyos, at mas magiging mabunga at tuloy-tuloy ang iyong pagsunod at paglilingkod sa Diyos. Tunay na mararanasan mo ang pabor ng Diyos. Tunay na magkakaroon ka ng maraming breakthroughs sa iyong buhay.

Gawin ang lahat upang maging self-motivated ka. Bigyan ng halaga ang buhay na kaloob sa iyo ng Diyos. Alamin ang iyong mga gawain na maaaring mahirap, pero nagiging madali dahil sa pagiging self-motivated mo. Ilinya mo ang mga ito sa mga gawaing nagdudulot ng parangal sa Diyos. Lalo mong kumbinsihin ang sarili mo sa iyong adhikain at hikayatin mo ang ibang tao. Makita nila ang malalim mong naisin na sundin ang Diyos, sambahin Siya, at paglingkuran Siya.

1. Ano ang self-motivation ni Jacob upang makamtan si Rachel?

2. Ano ang mga gawain na may mabuting resulta kung gagawin mo ng may self-motivation?

3. Paano mo malalaman kung ikaw ay gumagawa ng mabuting bagay na self-motivated ng pag-ibig?