May ‘sense’ ba kung sasambahin mo ang Diyos?

Sa Juan 4, nakatagpo si Jesus ng isang Samaritang babae sa balon. Inialok Niya sa kanya ang "buhay na tubig" at ipinakita ang Kanyang kaalaman tungkol sa buhay ng babae, kabilang ang kanyang mga relasyon. Nagulat ang babae at kinilala si Jesus bilang Mesiyas. Dahil dito, ibinahagi niya ang kanyang karanasan sa kanyang komunidad, at marami ang naniwala kay Jesus dahil sa kanyang testimonya.

Ang tunay na pagsamba sa Diyos ay may malalim na kahulugan at praktikal na benepisyo. Hindi ito basta pagkilala sa Diyos, kundi ang pag-aalay ng ating buong ‘focus and attention’ sa Kanya. Marami ang hindi alam kung paano o ano ang tunay na pagsamba. Isang karaniwang tanong ay, “May kabuluhan ba talaga ang pagsamba ko?” Mahirap isagawa ang pagsamba sa Diyos, at ito’y makikita sa ating mga gawa—sa pagdalo sa simbahan, pagbabasa ng Biblia, at paggawa ng kabutihan. Subalit, madalas ang katamaran at kaabalahan sa buhay ay nagiging sagabal sa ating tapat na pagsamba. Ayon kay Jesus, may mga tao na sumasamba sa Diyos ngunit hindi nila Siya tunay na kilala. Marami pa tayong dapat matutunan at madiskubre tungkol sa Kanya. Ang mga alalahanin natin sa pera, trabaho, negosyo, gadgets, at pangarap sa buhay o kaya mga problema ay humihila ng ating atensyon mula sa tunay na pagsamba. Kaya’t nananatili ang hamon sa lahat ng tao na sumamba ng may lumalagong pagkilala sa tunay na Diyos.

Sumamba ka ng tapat at buong puso. Ibigay ang ‘focus and attention’ sa Diyos at kalabanin ang katamaran, kaabalahan, at mga problema. Itaguyod ang pagkilala sa Diyos sa pamamagitan ng pagsisimba, pagbabasa ng Biblia, at paggawa ng kabutihan sa kapwa. Alisin ang anumang distractions na humihila ng iyong atensyon palayo sa Diyos. Patuloy na mag-aral at magdiscover ang kadakilaan ng Diyos. Sumamba ngayon ng may tunay na pagkilala.

1. Ano ang iyong pakahulugan sa tunay na pagsamaba?

2. Ang iyong pagsamba kung kikilatisin ay nagsasabi na mas kilala mo na ang Diyos, mas base sa katotohanan o emosyonal lamang?

3. Paano maging maging tunay at tapat ang aking pagsamba sa Diyos?