Kailangan bang kasama sa prayers natin ang kapayapaan ng bansang Israel?

Sa Psalm 122, ipinahayag ang ligaya ng manunulat na si Haring David sa pagdating sa Jerusalem na itinuturing na mahalagang lugar. Siya ay nagsusumamo para sa kapayapaan at kaunlaran ng lungsod. Hinihikayat niya ang lahat na magdasal para sa kapayapaan para sa Jerusalem at maging sa kaginhawaan sa mga palasyo nito. Ang nais niya’y magpatuloy ang kasaganaan at seguridad ng bayan.

Mahalaga na paalalahanan tayo  na ang Jerusalem ay hindi lamang isang lugar. Ito rin ay isang simbolo ng ating espirituwal na pangarap at pangako ng Diyos. Tayo bilang tagasunod ni Jesus, mahalagang malaman natin ang malalim na kahulugan ng Jerusalem maging sa ating espiritwal na kalalagayan. May ligaya sa taimtim panananlangin para sa Jerusalem. Ang pananalangin para sa kapayapaan ng lugar ay nagpapakita ng koneksyon natin sa Diyos bilang lumalagong Kristiyano. Sa pag-unawa mo sa kahalagahan ng Jerusalem, magkakaroon ka ng mas malalim na pag-unawa sa iyong pananampalataya at kasaysayan. Kung gayon, magpapalakas ito sa iyong pagnanais para sa kapayapaan at pagkakaisa para sa iyong buhay at para sa kabuuan ng simbahan. Sa isang mundo na puno ng hidwaan, ang panawagan para sa kapayapaan ng Jerusalem ay nag-aanyaya tayo magsikap para sa pagkakaisa at pag-unlad sa loob ng pamilya at sa loob ng ating mga tahanan. Pagpalain ka ng Diyos sa iyong pagpapala sa Jerusalem.

Alamin ang espirituwal na kahulugan ng Jerusalem sa konteksto ng iyong pananampalataya. Maglaan ng oras sa pag-aaral ng mga kasulatan at mga aral na nauugnay sa Jerusalem upang higit mong maunawaan ang kahalagahan nito sa iyong espiritwal na buhay. Isalin ang kaalamang ito tungo sa isang taos-pusong pananalangin para sa kapayapaan ng Jerusalem. Ito ay hindi lamang pagpapakita ng iyong paggalang sa lugar, kundi pati na rin ng iyong koneksyon sa Diyos at sa iyong espiritwal na paglalakbay. 

1. Ano ang espirituwal na kahulugan ng Jerusalem sa konteksto ng ating pananampalataya?

2. Anu-ano ang kailangan nating ipanalangin para sa Jerusalem?

3. Paano makakatulong sa pagpapalalim ng ating koneksyon sa Diyos ang pananalangin para sa kapayapaan ng Jerusalem bilang mga tagasunod ni Jesus?

4. Paano natin maiaangkop ang mga aral mula sa kahalagahan ng Jerusalem para sa pagkakaisa at pag-unlad sa ating mga pamilya at church?