Ang pangako ng Diyos na “hindi kita iiwan o pababayaan man” ay nakapaloob sa usapin tungkol sa pagkakaroon ng lakas ng loob, kakontentohan, at pag-iwas sa pagiging mukhang pera.

Ito ay nagpapahiwatig na ang Diyos ay may matinding pagkalinga sa tao:

• May pagkalinga ang Diyos sa pangangailangan ng tao sa pera. Sa usapin ng pera ay mahalaga ang kakontentuhan. Ang kasiyahan ng tao patungkol sa labis na pagkakaroon materyal na bagay ay pwdeng humantong sa kawalan ng kakontentuhan at pagiging makamundo. Ang problema ay nawawala ang Diyos sa kaisipan dahil sa labis paghahangad. At pwedeng gumana ang pagiging makasarili at pagiging ganid.

• May pagkalinga ang Diyos sa anumang di nararapat na takot ng tao sa kapwa tao. Sa usapin ng takot ay mahalaga ang pagkakaroon ng lakas ng loob. Ang kawalan ng lakas ng loob ay pwdeng humantong sa hindi pagsunod sa Diyos. Ang hindi pagsunod sa Diyos ay maaaring dala ng mas pagsunod sa tao. Ibig sabihin ay mas takot sa tao kesa sa Diyos. 

Hindi natin kailangan magmukhang pera. Huwag tayong matakot na sumunod sa Diyos anuman ang ating nararamdaman. May pangako ang Diyos ay hindi Niya tayo iiwan o pababayaan. Magtiwala tayo sa Kanya. Tutuparin ng Diyos ang pangako Niyang “hindi kita iiwan o pababayaan man”

1. Ano ang ibig sabihin ng pangako ng Diyos na “Hindi kita iiwan ni pababayaan man”?

2. Ano ang problema sa tinutukoy ng Biblia na pagiging mukhang pera?

3. Sabi ng Biblia na pwede nating maranasan labis at di nararapat sa tao. Papaano mo ito mapaglalabanan?