Bago ipako sa krus, nagsalita si Jesus sa Kanyang mga alagad sa huling pagkakataon sa mga talatang ito. Binigyang-diin ni Jesus ang kahalagahan ng pagmamahal, pagpapasakop, at presensya ng Banal na Espiritu sa pahayag na ito. Sinasabi din ng mga talatang ito ang kahalagahan ng pagsunod sa mga utos ni Jesus bilang pagpapakita ng pagmamahal sa kanya.

Ilang bases sinabi ng ating Panginoong Hesus sa Kaniyang mga tagasunod na ang pag-ibig sa kaniya ay dapat ipinapakita sa pamamagitan ng pagsunod sa kaniyang mga tagubilin, hindi lamang bilang isang emosyon o damdamin. Ang pagsunod ay tanda ng ating debosyon sa pagtataguyod ng kanyang mga turo at gayundin ng ating pagmamahal sa kanya. Sinasabi rin ng ating Panginoon na ang pagsunod sa kanya ay isang paanyaya sa Ama at sa Anak na mamuhay sa loob natin sa pamamagitan ng kapangyarihan ng Banal na Espiritu.

Sa panahong ito na marami ang pwedeng pagka-abalahan ng mga tao, tanungin natin ang ating sarili, tayo ba ay talagang nagmamahal sa Diyos? Siya ba talaga ang nasusunod sa ating mga desisyon? Nasusunod ba talaga natin ang nais ng Diyos? Kung talagang nagmamahal tayo sa kanya, ipakita natin ito sa ating pagsunod sa kanyang mga tagubulin. Sa umaga ba paggising natin siya ang ating inuuna o ang ating sarili? Kung talagang nais nating sundin ang ating Panginoon simulan natin ang ating araw sa panalangin, pakikipagniig sa kanya at pagbabasa ng kanyang salita. Sa ganitong paraan malalaman nating ang kalooban ng Diyos, ang mga nais niyang gawin natin para sa araw na ito.

1. Ano ang kahulugan ng pag-ibig kay Jesus?

2. Paano ipinapakita ang pagsunod sa mga utos ni Jesus bilang pagpapakita ng pag-ibig sa kanya?

3. Bakit mahalagang sundin ang utos ng ating Panginoong Hesus sa talatang na banggit?