Si Jesus ay may pastulan. Si Jesus din ang pintuan papasok at palabas sa pastulan ng kaligtasan at kasaganaan. 

Inilalapit ni Jesus ang mga tao sa Kanyang sarili. Naisin Niya na mapalagay ang mga tao sa Kanyang mga sinasabi. Ngunit ginagawa niya iyo sa paraang nakayayanig! Ayon kay Jesus, siya ang ang ‘exclusive’ na pinto para sa mga tupa. Siya ang pintuan para maligtas ang mga tao. Ang pagiging malapít ng mga tao sa Kanya ay nangangahulugan ng kasaganaan. 

Ang pagiging malapít o ‘close’ kay Jesus ay isang choice na dapat nating ginagawa araw-araw. Tayo ay may kaligtasan at kasaganaan kung tayo ay malapít kay Jesus. Ang ‘pastulan’ na inihanda ni Jesus para sa Kanyang mga iniligtas ay bunga ng pananampalataya kung sino Siya – siya ang pinto! Dito man sa mundo o sa kabilang buhay man, handa at tapat ang Diyos na iparanas sa atin ang tunay na buhay na kasama siya. Ang buhay na ito kasama ang Diyos ay ganap at kasiya-siya. 

Manampalataya kay Jesus. Ilapit natin ang ating sarili sa Kanya. Huwag na huwag mawala sa ating attention ang Panginoong Hesus. Maraming boses ang gustong umagaw sa ating attention sa Diyos. Siguraduhing ang pagpasok at paglabas sa pastulan ay abot tanaw palagi ang Diyos. Tandaan, ang kaligtasan at kasaganaan natin ay nakabase sa ating pagiging malapit sa Diyos sa pamamagitan ni Jesus. Gawing siguradong desisyon araw-araw na maging malapít o close kay Jesus. 

1. Ano ibig sabihin na si Jesus ay ang pinto ng mga tupa?

2. Bakit kailangan natin ang kaligtasan at kasaganaan ni Jesus?

3. Papaano mo sasabihin sa ibang tao ang ‘exclusive’ na karapatan ni Jesus na magbigay ng kaligtasan at kasaganaan?