Naialay mo na ba ang iyong buhay sa pangunguna ng Panginoong Jesus?

Sa Matthew 7:21-27, ipinaliwanag ni Jesus na hindi sapat ang simpleng pagtawag sa Kanya upang makapasok sa kaharian ng Diyos. Kailangan itong ipakita sa pamamagitan ng pagsunod sa Kanyang kalooban. Ang Salita ni ni Jesus na “Kaya’t” sa verse 24 ay pagpapaliwanag pa Niya sa unang tatlong verses (vv.21-23). Ayon kay Jesus, ang pakikinig at pagsunod parehong napakahalaga

Ang buhay ay madalas na masalimuot. Hindi ito laging simple. Ang buhay ay hindi laro. Kailangan ng bawat isa sa atin ng sapat na kaalaman, kasanayan, at spiritual at emotional na kalusugan upang magpatuloy at makalaban sa lahat ng mga hamon ng buhay. Kaya mahalaga na tayo ay nakikinig at sumusunod kay Jesus, ang ating Diyos at Panginoon. Siya ang may likha ng buhay, kaya Siya ang higit na nakakaalam kung paano ito dapat isabuhay. Siya rin ang may alam ng ating kinabukasan, kaya Siya ang nararapat na mas makilala upang Siya ay masunod. Ang mas makilala si Jesus ay ang mas masunod Siya ng bukal sa puso. Ang Kristiyano na nasa nguso pero hindi sa puso ay hindi kilala si Jesus ng sapat upang Siya ay masunod. Kaya sinabi rin ni Jesus na ang pagmamahal sa Kanya ay nakikita sa pagsunod sa Kanya. Ang araw na ito ay ginawa ng Diyos upang mas makilala mo Siya — at masunod mo Siya. Ito ang araw ng panunumbalik sa Diyos.

Maglaan ng sapat na panahon araw-araw upang kilalanin si Jesus. Aralin ang iyong iskedyul. Alamin ang iyong mga pinagkakaabalahan at bawasan ang mga sobra sa oras na kaabalahan. May mga bagay na malamang ay inaagawan ka ng sapat na oras para sa Panginoon. Alamin kung saan mas nakatutok ang iyong atensyon. Malamang may mga kaabalahan o gawain kang binibigyan ng labis na pansin, kaya wala kang sapat na oras para sa Panginoong Jesus araw-araw. Magsisi. Manumbalik sa Diyos.

1. Ipaliwanag ang kasabihan na “Kristiyano sa nguso pero hindi sa puso”.

2. Anong mga labis na kaabalahan sa buhay mo na nagiging hadlang sa pagpapalalim sa iyong relasyon kay Jesus?

3. Paano mo maisasabuhay ang mga turo ni Jesus upang mas makilala Siya ng mas malalim?