Si Jesus ang mabuting pastol na hindi nag-iiwan kundi nag-alay buhay, hindi nangbalewala kundi kilala ang mga tumatalima sa Kanya.

Ang pagiging mabuting pastol ni Jesus ay hindi pangkaraniwan. Ito ay puno ng sakripisyo at pagpapahalaga sa mga tupa. Mas inisip Niya ang kapakanan ng mga tupa kesa ng Kanyang sarili. Si Jesus ay kilala kung sino ang sa Kanya. Gayundin naman, kinikilala Siya ng mga tupa na mga tinawag at mga tumugon.

Tayo bilang mga tao may mabuting tagapanguna o pastol na pwede nating tingalain. Siya si Jesus. Siya ay ‘perfect’. Si Jesus ang ‘perfect’ na tagapanguna ay nag-alay ng buhay Niya sa atin para sa ating ikaliligtas. Ito may ay mula sa anumang kasalanan at maging sa mga masamang epekto nito. Ang kapangyarihan ay ‘incredible’ at ang Kanyang sakripisyo ay may bisa pa rin hanggang sa panahon natin. Kahit na sa pinakamasama makasalanang tao, ay higit ang biyaya at habag ng Diyos dahil kay Jesus.

Ngayong unang araw ng 2024, mas may panahon tayo upang mas kilalanin si Jesus sa ating buhay. Ang pagkakataon na kilalanin sa sa pamamagitan ng pananampalataya at pagtanggap ay available pa rin. Hindi relihiyon ang alok ni Jesus sa iyo kundi isang sagradong relasyon. Kilalanin Mo Siya bilang Tagapagligtas mula sa iyong mga kasalanan. Sundin siya bilang Panginoon ng ating buhay. Simulan ang taon 2024 ng ganito. This is the best choice to begin with.

1. Ano ang iyong unawa na si Jesus ang mabuting pastol?

2. Ano ang mga pwedeng mangyari kung kilala at kinikilala ng mga tao si Jesus bilang kanilang mabuting pastol?

3. Papaano magkakaroon ng ‘transition’ ang buhay natin kung si Jesus na ang ating mabuting pastol (o bilang Tagapagligtas at Panginoon)?