Iba ang dulot ng katatagan at kalakasan ng loob na mula sa Diyos.

Ang kwento ng buhay ni Josue ay kwento ng maraming hamon at pagsubok maging ng katatagan at kalakasan ng loob na nagmula sa Diyos. Si Josue bilang lider kasunod ni Moises ay naging masunurin sa Diyos. Sa kanyang pagsisimula, binigyan siya ng encouragement ni Lord, siyang makatutulong sa kanya sa hinaharap: “Magpakatatag ka at lakasan mo ang iyong loob. Huwag kang matatakot o mawawalan ng pag-asa …”Kailangan ni Josue ang pangakong pagsama ni Yahweh na dulot ay siguradong tagumpay. Dahil dito, si Josue ay naging tagumpay dahil sa consistent na pagsunod niya sa Panginoon.

Katulad natin, tao lang din na may mga kahinaan at kakulangan si Josue. Ngunit, ang mahalagang sangkap ng buhay ni Josue ay naniwala at magpagabay siya kay Yahweh, kaya siya ay naging malakas at tagumpay! Purihin ang Panginoon! For sure, kailangan natin ang encouragement na dala ng kwento ng buhay ni Josue, kung saan ang Diyos ang sentro ng buhay niya.

Magpakatatag tayo at lakasan natin ang ating loob sa pamamagitan ng mga pangako ng Diyos. Maging masunurin tayo sa mga utos at mga alituntunin ng Diyos, at i-discover pa natin ito. Huwag tayong matakot dahil sa mga hindi magagandang pangyayari sa ating buhay o sa ating kapaligiran. Dalhin natin ang pag-asa sa buhay na kung kasama natin ang Diyos, walang problema o kahinaan na o diablo ang kayang tumalo sa atin. Palaguin natin ang ating relasyon sa Diyos na lumikha ng langit at lupa.

1. Anu-ano ang mga ipinaghihina ng iyong loob?

2. Bakit kailangan nating maging matatag sa pagsunod sa Diyos sa gitna ng lahat ng lahat ng problema?

3. Sa ating pagkatao, ano ang kailangang baguhin ng Diyos para maging sigurado mapangyari ang Kanyang kalooban.