Ang promotion ay nakapaloob sa pagsunod. Ang sumunod ka sa pagkatawag ng Diyos ay may kalakip na layunin, pagkakilanlan, at pagpapala.

From fishermen to fishers of men. Ito ang tawag ng Panginoon sa magkapatid na sina Simon at Andres. Na kahit busy sila sa kanilang maliit na fishing business ay nagbago ang identity nang tawagin sila ni Hesus. At sinabi ng talata na sumunod sila kaagad kay Hesus at iniwan ang kniilang mga lambat ng walang katanong-tanong, walang reklamo, walang patumpik-tumpik, at walang alinlangang pagsunod kay Hesu-Kristo.

Ang pagkatawag ni Kristo sa ating mananampalataya ang pinakamataas na panawagan. Higit ito sa anumang edukasyon o propesyon. Hindi para maging relihiyoso kundi para ganapin ang pagkatawag at layunin ng Diyos para sa atin. Kung maiintindihan ang ating "calling, purpose and identity, hindi mahirap gawin ang pagsunod at pagsakripisyo for the sake of Christ. Kung maiintindihan ang 'calling, purpose and identity' natin, less o wala ang reklamo at kusa ang pagsunod sa Panginoon. Ang Diyos ang totoong Source ng lahat. At kung maintindihan natin ang pagsunod ayon sa pagkatawag sa atin ng Diyos, we’ll be amazed that God is promoting us.

Sumunod at alamin ang pagkatawag sa atin ng Diyos. Gawin ang pinagagawa sa atin ng Panginoon. Huwag tayong manatili sa kung ano lamang ang ginagawa ng karamihan na nasanay na lang sa ‘4Ps’ (pa-church, paupo-upo, pauwi, at pasaway). Gawing masigla at hindi stagnant ang iyong ministry. Maging angat ka sa karamihan. Sikaping ma-discover at ma-refine ang ating calling, purpose, and identity. Antabayanan ang promotion ni LORD sa iyo.

1. Ano ang unawa mo tungkol sa ‘calling and purpose’?

2. Bakit ganon na lang kadali ang pagsunod ng mga unang tinawag ni Kristo? ipaliwanag.

3. Bakit may mga taong hanap muna ay promotion kaysa pagsunod sa tawag?