Ang simpleng pagsunod sa Diyos ay mas mainam kaysa komplikadong pagsasakripisiyo.

May isang mahalagang utos ang Diyos para kay Haring Saul na Kanyang ipinarating sa pamamagitan ni Propeta Samuel. At ayun sa salaysay sa 1 Samuel 15, si Saul ay hindi sinunod ang utos ni Yahweh. At dahil dito, nakaramdam ng panghihinayang Si Yahweh sa pagkakapili kay Saul bilang hari. Kinakailangan ni Samuel na kausapin si Saul sa pagkakataon na ito. Ipinahayag ni Samuel kay Saul na ang kanyang ginawa ay pagsuway sa ‘instructions’ ng Diyos. At di sapat ang naisin ni Saul na sambahin si Yahweh dahil sumuway ito sa Kanya.

Mapapansin natin na walang halaga ang anumang mabuting intensyon kung may pagsuway sa payak na utos. Ipinaparating sa atin ng Biblia na ang ‘instructions’ ng Diyos ay dapat sundin. Hindi ito dapat pinapalitan o dinagdagdagan kahit mabuti ang ating naisin. Mahalaga na alam natin at agree tayo sa kautusan ng Diyos. Kapag hindi gayon, makakaisip tayo na baliin o pagandahin ang pagsunod sa Diyos. Anupaman, ito ay pagsuway pa rin.

Sundin natin ang Diyos ng buong puso. Huwag dagdagan o bawasan ang pagsunod sa Kanya. No need na pagandahin ang pagsunod. Maganda na ang mga utos ng Diyos. Di na kailangan na pagandahin pa mga ito. At ang eksaktong pagsunod ay napakahalaga para sa Diyos. Kaya, tayo ay tinatawagan ang pansin na kilalanin kung sino ba talaga ang Diyos. Dahil ang puso ng Diyos ay nahahayag sa pamamagitan ng utos ng Diyos.

1. Bakit mahalaga na ang utos ng Diyos ay sundin?

2. Kailan nagiging mahirap ang pagsunod sa Diyos?

3. Papaano nahahayag ang puso ng Diyos sa pamamagitan ng kanyang mga utos?