Ang ang Diyos pumili sa atin. Inaasahan Niya mula sa atin ang isang buhay na mabunga at nananatili sa Kanyang Salita.

Ang John chapters 15-16 ay naglalaman ng mga detalye ng pag-uusap ng Panginoong Hesus at ng kanyang mga alagad. Ang nilalaman ay ang mensahe bago pa niya lisanin ang sanlibutan upang bumalik sa Ama. Dito binigyang diin ni Jesus ang mga salitang pinili, mananatili, magbubunga, kaibigan, kagalakan at pag ibig. Kapansin-pansin ang mga salitang mananatili at magbubunga na ilang beses niyang sinabi at inuulit-ulit. Para kay Jesus, ang pagiging mabunga at pananatili ay mga resulta ng kanyang pagpili sa kanila. Ito rin ay isang kundisyon upang ang kasagutan ng panalangin ay makamit.

Mahalaga sa buhay Kristiyano ang kaunawaan ng pagpili ni Jesus. Ang "high calling" ay pagpili mula sa Hari ng mga hari at Panginoon ng mga panginoon. Ito ay isang pribelihiyo na may kaakibat na responsibilidad. Hindi tayo pinili ni Jesus upang maging palamuti lang sa church o maging relihiyoso. Pinili tayo ng Diyos na may expectation na magbunga at mananatili ang mga bunga. Ibig sabihin  ang buhay Kristiyano ay may gagawin na pagpalago, pagpapalalim, pagsisikap, at disiplina. Expected na ito ng Diyos na Siyang ating "Source". Sa ganitong kalalagayan ng pagiging mabunga, natural na lamang ang pagdating ng mga pagpapala at kasagutan sa mga panalangin.

Pahalagahan natin bilang kristiyano ang pribilehiyo ng pagkapili sa atin ni Hesus. Maging intensional tayo sa pagpalago ng ating buhay pananampalataya. Sikapin natin na magkaroon ng mga kasanayan para sa ating spiritual life. Hingin natin sa Diyos ang kalakasan upang magawa natin ang kalooban niya at pagtuunan natin ang ating personal na relasyon sa Diyos. Manatili ang disiplina at pagsisikap na lumalim at lumago sa buhay kristiyano.

1. Ano ang mensahe sa iyo ng Juan 15:16?

2. Bakit kailangan maging intensiyonal ang buhay kristiano?

3. Ang pagpili ng Diyos ay isang pribelihiyo. Ano ang expectations Niya sa atin?