May panawagan ang Panginoong Jesu-Kristo na lumapit sa Kanya ang mga taong may anxiety and depression.

Ang New Testament ay maraming lathala o naisulat na mga sinabi at ginawa ni Jesus. Naka-record ang mga ito sa Gospels o ang mga aklat ng Matthew, Mark, Luke & John. Isa sa mga nasulat sa Biblia ay ang paghimok ni Jesus sa mga tao na lumapit sa Kanya ang “lahat na napapagod at may mabigat na pasanin”. Ang paanyaya na ito ay napaka-espesyal sa kadahilanang nakapaloob dito ay ang pangako ng kapahingahan. Alam ni Jesus ang bumabagabag na mga alalahanin sa damdamin ng mga kababayan Niyang walang kapayapaan. Ang pangakong kahingahan ay siguradong tutuparin ni Jesus. 

Itong verses ng Matthew 11:28-29 ang isa sa mga verses na nababagay sa usapin ng mental health. Ang issues ng anxiety and depression ay malinaw na tinutukoy ni Jesus gamit ang ibang mga pananalita. Ang damdamin na “napapagod at may mabigat na pasanin” ay katulad din ng anxiety and depression. Maingat na tinutugon ni Jesus ang mga taong may ganitong issues. Nais na pawiin ni Jesus ang issues ng ating buhay. Nais ng Diyos na pawiin sa atin ang malalim na kalungkutan, pagkabalisa, kawalan ng kapayapaan, takot, depression, o anupamang katulad nito.

Lumapit sa Diyos. Dalin ang iyong malalim na kalungkutan, pagkabalisa, kawalan ng kapayapaan, takot, o depression, atbpa. Makakatulong din ang pakikipag-usap sa mas mature na Kristiyano para mapakinggan ka. Maghayag sa kanya ng iyong saloobin. Tumanggap ng payo. Take responsibility sa iyong mga nagawa. Maging sapat ang iyong maturity para magawa mo ang mga nararapat na gawin. Ikaw na may katawan ay may unang responsibilidad na iayos ang mga bagay-bagay sa iyong buhay. May pag-asa pa sa buhay.

1. Ayon sa Matthew 11:28, ano ang kalalagayan ng mga tinatawagang pansin ni Jesus na lumapit sa Kanya?

2. Ano ang katapat sa Biblia ng mental health issues na “anxiety and depression“?

3. Papaano makatutulong ang panawagan ni Jesus sa mga may malalim na kalungkutan, pagkabalisa, kawalan ng kapayapaan, takot, depression, o anupamang katulad nito?