Ang Diyos ay may pagpapala sa kalagitnaan ng mga pagsubok.

Sa panahon noon ng mga sinaunang Kristiyano na dumaranas ng matinding pagsubok, ang pahayag ni Apostle James sa kanila ay ang manatiling tapat. Ayon kay James, “pinagpala ang taong nananatiling tapat sa kabila ng mga pagsubok…” Ang paalala sa kanila ay ang manatiling tapat. May gantimpalang nakalaan sa mga umiibig sa Diyos.

Palaisipan sa marami kung bakit may pagsubok pa rin sa mga buhay. Minsan ay nakakalito ang mga pangyayari sa buhay. Bakit parang dumarami ang pagsubok kapag mas lumalapit tayo sa LORD. Minsan nakakapanghina. Until na ma-realize natin na hindi pangmatagalan ang anumang pagsubok. Lilipas at lilipas din ang mga pagsubok. Ang mainam na pangako ay may gantimpala sa mga taong nanatiling tapat sa Diyos – lalo na sa mga tagasunod ni Jesus Christ. 

Mahalin natin ang Diyos higit sa lahat. Manatiling tapat sa ating relationship sa Diyos. Aralin kung papaano mas masusunod ang kalooban ng Diyos sa gitna ng anumang pagsubok. Panghawakan ang mga pangako ng Diyos. Ang katapatan Niya ay lubusan. Kilalanin natin ang Diyos sa pamamagitan ni Jesus Christ. Hindi kaplastikan ang mag-antay ng gantimpala ng Diyos ang mga anak ng Diyos na nananatiling tapat sa kabila ng lahat ng mga pagsubok.

1. Ano ang pagsubok?

2. Ano ang ibig sabihin ng “nananatiling tapat sa kabila ng mga pagsubok”?

3. Papaano natin magagawa na ibigin ang Diyos sa anumang panahon ng ating buhay?