Ang teksto ay sulat ni Pablo kay Tito upang sabihin sa mga taga Creta ang patungkol sa ginawa ni Kristo-Hesus –– na Siya ay nagbigay ng kanyang buhay upang matubos ang lahat sa kasamaan; upang ito ay kanyang lilinisin sa pamamagitan ng kanyang dugo; at upang ihanda Niya ang mga ito sa paggawa ng kabutihan...

Sa ginawa ni Kristo-Hesus walang anumang bagay o katumbas na halaga na kayang itapat upang mabayaran ng tao. Ang maging pag-aari ka ng Diyos ay nangangahulugan na binili ka Niya sa isang dakila at kahanga-hanga na pag aalay ni Kristo. Nang ibigay ni Kristo ang buhay Niya ay isang ‘extravagant love’ na ang ibig sabihin. At hindi rin dugo ng kordero o anumang hayop, kundi ang dugo mismo ni Kristo-Hesus. Kaya tayo ay Kanyang tinubos, nilinis, at inangking Kanya upang ihanda natin ang ating sarili sa paggawa ng mabuti, sa pagbibigay-lugod sa Diyos, sa paglilingkod ng may katapatan, at ang pag ibig sa kapwa mananampalataya –– na pawang lahat ay sa kaluwalhatian Niya.

Kaya hikayatin natin ang ating sarili na tayo ay para lang sa Diyos. Maglaan ng oras sa paglilingkod ng tapat, ang mapagkatiwalaan sa mga binigay sa atin ng Diyos sa pammagitan ng oras, talento o kayamanan. Maging mapagbantay tayo sa ating sarili upang hindi tayo magkasala at lumayo sa Diyos, Bigyan natin ng kahalagahan ang pananalangin at pagbubulay-bulay sa kabutihan ng Diyos. Mamuhay tayo sa pag-ibig ng Diyos. Nang sa gayon, ang pagmamahal natin sa Diyos at sa kapwa mananampalataya mas iigting.

1. Ano ang nais iparating ni Pablo nang sabihin niyang "upang maging kanyang sariling pag-aari?"

2. Tatlong beses sinabi sa teksto ang katagang "kanyang sarili". Ano ang kahalagahan nito sa akin?

3. Dahil nga pag aari ako ng Diyos, anong hakbang ang dapat kong gawin sa pagpapakita ng pag ibig ko sa Diyos?