Ang kalakip ng buong pusong pagsunod sa Diyos ay ang tapat na galawan ng Diyos tungo sa ating ikaaayos at ikalalago. 

Kapansin pansin na si Apostle Pablo ay may pagmamahal para sa kanyang mga natulungang lumapit sa Panginoon. Ang tawag niya sa mga taga-Filipos ay ‘mga minamahal’. Naisin ni Pablo na sila’y buong pusong magpatuloy sa relationship nila sa Lord. Ang susi sa relasyong ito ay ang patuloy at buong pusong pagsunod nila sa Diyos. Binanggit ni Pablo ang nararapat nilang pagsusumikap ng may tamang intensyon o layunin. Nakakatuwa si Pablo dahil alam niya kung paano mang-encourage sa pamamagitan ng katotohanan.

May kasiguraduhan ang isang true believer na may buong pusong pagpapatuloy na may pagsunod sa Diyos. Ang kasiguraduhan ay gagawin ng Diyos ang part Niya. Sure yan! Ito ay para lalo nating maranasan ang kaayusan at paglago sa ating buhay. Ang paglago natin ay unang-una sa spiritual. Ang kasunod ay ang mental or emotional health. Totoo na dependent ang ating mental/emotional health sa ating spiritual wholeness. 

Kailangan bigyan pansin ng believer ang pagsusumikap na “magpatuloy nang may takot at lubos na pag-iingat“. Sa believer na, alalahanin natin na mas marami ang mabuting dahilan para magpatuloy sa pananampalataya kesa sumuko dahil may mga problema. Isaayos natin ang ating oras sa gitna ng lahat ng araw-araw na kaabalahan. Maging aware tayo sa galawan ng Diyos. Ang galawan ng Diyos ay siguraduhin na maalalayan tayo na makasunod sa kalooban Niya. Ngunit kailagan Niyang makita ang buong puso nating kagustuhan na makasunod. Kung gets mo ito, sure na mae-enjoy mo ito.

1. Ano ang ibig sabihin sa v.12 na ‘pagsumikapan ninyong maging ganap ang inyong kaligtasan”?

2. Ayon sa v.13, ano ang kinalaman ng Diyos sa ating ikalalago sa buhay Kristiyano?

3. Ilista sa iyong journal notes kung ano ang mga ipinapagawa sa iyo ng Diyos tungo sa iyong paglago?